Aus vs Ind: வந்தார்.. சென்றார்.. 21 வயது கூப்பர்- டாஸ் தோற்பதில் இப்படியொரு சாதனையா?
கூப்பர் கானோளி (Cooper Connolly), தன்வீர் சங்கா (Tanveer Sangha) ஆகியோர் மாற்று வீரர்களாக ஆஸ்திரேலியா அணியில் இன்று இடம்பெற்றனர். இதில் கூப்பர் எலைட் லிஸ்டில் இணைந்துள்ளார்.
அரையிறுதிப் போட்டிகளுக்கு இந்தியா, ஆஸ்திரேலியா, தென் ஆப்பிரிக்கா, நியூசிலாந்து ஆகிய அணிகள் தேர்வாகிய நிலையில், இன்று துபாயில் நடைப்பெறும் முதல் அரையிறுதி போட்டியில் பலம் வாய்ந்த ஆஸ்திரேலியாவினை எதிர்க்கொள்கிறது இந்திய அணி. டாஸ் வென்ற ஆஸ்திரேலியா அணி தற்போது பேட்டிங் செய்து வருகிறது.
நியூஸிலாந்து அணிக்கு எதிரான போட்டியில் விளையாடிய அதே இந்திய தான் ஆஸ்திரேலியாவிற்கு எதிராக விளையாடுகிறது. அணியில் எவ்வித மாற்றமும் செய்யப்படவில்லை. ஆஸ்திரேலியா அணியில் இரண்டு மாற்றங்கள் மேற்கொள்ளப்பட்டுள்ளன.
டாஸ் தோற்பதில் இப்படியொரு சாதனையா?
தொடர்ந்து 14 வது முறையாக இந்திய அணி டாஸ் தோற்றுள்ளது. இதன் மூலம் ஒரு நாள் போட்டிகளில் தொடர்ச்சியாக டாஸ் தோற்ற அணியாக இந்திய திகழ்கிறது. அதேப்போல் இந்திய அணியின் கேப்டன் ரோகித் ஷர்மா தொடர்ந்து 11 வது முறையாக டாஸ் தோற்றுள்ளார். ஒருநாள் போட்டிகளில் தொடர்ந்து அதிக முறை டாஸ் தோற்ற கேப்டன்களின் பட்டியலில் ரோகித் ஷர்மா இரண்டாம் இடத்தில் உள்ளார்.
ஒருநாள் போட்டியில் அதிக முறை டாஸ் தோற்ற கேப்டன்கள்:
- 12 - பிரையன் லாரா (மேற்கிந்திய தீவுகள், அக்டோபர் 1998 முதல் மே 1999)
11 - பீட்டர் போரன் (நெதர்லாந்து, மார்ச் 2011 முதல் ஆகஸ்ட் 2013 வரை)
11*- ரோஹித் சர்மா (இந்தியா, நவம்பர் 2023 முதல் மார்ச் 2025 வரை)
கூப்பர் கானோளி (Cooper Connolly), தன்வீர் சங்கா (Tanveer Sangha) ஆகியோர் மாற்று வீரர்களாக ஆஸ்திரேலியா அணியில் இன்று இடம்பெற்றனர். இதில் கூப்பர் எலைட் லிஸ்டில் இணைந்துள்ளார். அதாவது ஐசிசி ஒருநாள் தொடர்களில் ஆஸ்திரேலியா அணிக்காக களமிறங்கிய மிக இளம் வயது வீரர்கள் பட்டியலில் ஒருவராக இணைந்துள்ளார்.
ICC ODI- ஆஸ்திரேலியாவிற்காக களமிறங்கிய இளம் வீரர்கள்
20y 225d - ஆண்ட்ரூ ஜெசர்ஸ் vs இந்தியா, டெல்லி, CWC 1987
21y 66d - ரிக்கி பாண்டிங் vs கென்யா, விசாகப்பட்டினம், CWC 1996
21y 90d - ஷேன் வாட்சன் vs நியூசிலாந்து, கொழும்பு SSC, CT 2002
21y 194d - Cooper Connolly vs இந்தியா, துபாய், CT 2025
21y 231d - மிட்செல் மார்ஷ் vs இங்கிலாந்து, எட்ஜ்பாஸ்டன், CT 2013
21y 264d - ஸ்டீவன் ஸ்மித் vs ஜிம்பாப்வே, அகமதாபாத், CWC 2011
பெரிதும் எதிர்ப்பார்ப்போடு களமிறக்கப்பட்ட இளம் வீரர் கூப்பர் கானோளி வந்த வேகத்தில் பெவிலியன் சென்றார். 9 பந்துகளை எதிர்க்கொண்டும் ரன் எதுவும் எடுக்காமல் ஷிமி பந்து வீச்சில் அவுட்டாகி நடையை கட்டினார். இந்தியாவுக்கு அச்சுறுத்தலாக விளங்கிய ஹெட் 39 ரன்னில் அவுட்டாகியதால் இந்திய ரசிகர்கள் நிம்மதியடைந்தனர். 10 ஓவர்கள் முடிவில் ஆஸ்திரேலியா அணி 2 விக்கெட் இழப்புக்கு 63 ரன்கள் எடுத்து விளையாடி வருகிறது.
Read more:
Aus vs Ind: ஐசிசி தொடர்களில் யார் கை ஓங்கியுள்ளது? முடிவுக்கு வருகிறதா ரோகித் தலைமை?
உடல் பருமனால் அவதிப்பட போகும் இந்தியர்கள்: லான்செட் வெளியிட்ட அதிர்ச்சி ரிப்போர்ட்
What's Your Reaction?
