3 நாட்களில், 10 ஆயிரம் ஆணுறைகள் காலி: குளிர்கால ஒலிம்பிக் வீரர்கள் ஜாலி, கூடுதலாக வழங்க முடியாமல் அதிகாரிகள் திணறல் 

2026 மிலன்-கோர்டினா குளிர்கால ஒலிம்பிக்கில் உலக நாடுகளில் இருந்து வீரர்கள் கலந்து கொண்டுள்ளனர்.  போட்டி தொடங்கிய முதல் சில நாட்களுக்குள் விளையாட்டு வீரர்களுக்கு வழங்கப்பட்ட இலவச ஆணுறைகள் தீர்ந்து போய்விட்டன. போட்டி ஏற்பாட்டளர்கள் வழங்கிய 10,000 பேக் ஆணுறைகள் விரைவாக தீர்ந்து போனதால், மீண்டும் வழங்க முடியாமல் அதிகாரிகள் திணறியுள்ளனர்.

இந்த போட்டிகளின் போது ஆயிரக்கணக்கான விளையாட்டு வீரர்கள் வாரக்கணக்கில் அருகிலேயே வசிக்கின்றனர், எனவே நிச்சயம் அவர்களுக்கு ஆணுறை அதிகளவில் தேவைப்படலாம். 2024 ஆம் ஆண்டு பாரிஸில் நடைபெற்ற கோடைகால ஒலிம்பிக் போட்டிகளில் மிகப்பெரிய அளவிலான ஆணுறைகள் வழங்கப்பட்டது, ஆனால் மிலனின் ஏற்பட்டுள்ளது புதிய சர்ச்சையை  ஏற்படுத்தி உள்ளது. 

மிலனில் உள்ள கோர்டினா டி'அம்பெஸ்ஸோவில் அமைந்துள்ள விளையாட்டு வீரர்களின் கிராமத்தில், சுமார் 2,900 விளையாட்டு வீரர்களுக்கு 9,700 க்கும் மேற்பட்ட ஆணுறைகள் கொடுக்கப்பட்டன, பின்னர் இதன் எண்ணிக்கை மேலும் அதிகரிக்கப்பட்டன, ஆனால் தேவை வரையறுக்கப்பட்ட இருப்பை விட அதிகமாக இருந்ததே இந்த பற்றாக்குறைக்கு காரணம் என சொல்லப்படுகிறது. 

ஒலிம்பிக் கிராமங்களில் இலவச கருத்தடை சாதனங்களை வழங்குவது நீண்ட காலமாக ஒரு பாரம்பரியமாக இருந்து வருகிறது, நெருக்கமான இடங்களில் ஒன்றாக வாழும் போட்டியாளர்களிடையே பாதுகாப்பான உடலுறவு மற்றும் பாலியல் ஆரோக்கியத்தை மேம்படுத்துவதை நோக்கமாகக் கொண்டு இந்த வழக்கம் பின்பற்றப்பட்டு வருகிறது என்பது குறிப்பிடதக்கது.

2024 இல் நடந்த பாரிஸ் ஒலிம்பிக்கில் அதன் 10,500 விளையாட்டு வீரர்களுக்கு சுமார் 2 லட்சம் ஆண் மற்றும் 20,000 பெண் ஆணுறைகள் வழங்கப்பட்டது, அதே நேரத்தில் அதற்கு முந்தைய போட்டியில் 3 லட்சம் ஆணுறைகள் வரை விநியோகிக்கப்பட்டன. எனவே 10,000 மட்டுமே வழங்கபட்ட மிலன் போட்டிகளின் முடிவு அனைவரையும் கவலையை ஏற்படுத்தி உள்ளது.