இயக்குநர் இமயம் சரிந்தது: பாரதிராஜா மறைவு, திரையுலகினர் சோகம் 

தமிழ் சினிமாவின் இயக்குநர் இமயம் என பாரதிராஜா அழைக்கப்பட்டார். கிராமத்து மண்வாசனை கலந்த கதைகளை தமிழ் சினிமாவிற்கு கொண்டு வந்த பெருமை பாரதிராஜாவை சாரும்.  இதுவரை 44 திரைப்படங்களை இயக்கியுள்ள பாரதிராஜா. திரையுலகில் முடிசூடா மன்னாக திகழ்ந்து வந்தவர்.  மகன் மனோஜின் அகால மரணம் பாரதிராஜாவை மனதளவிலும் உடலளவிலும் பாதித்தது.  நுரையீரல் தொற்று காரணமாக சிகிச்சை பெற்று வந்த நிலையில் இன்று இயற்கை எய்தியுள்ளார். 

கடந்த சில ஆண்டுகளாகப் படங்களில் தீவிரமாக நடித்து வந்த பாரதிராஜா, மகனின் இழப்பைத் தாங்க முடியாமல் முற்றிலுமாக முடங்கிப் போனார். சில மாதங்கள் மலேசியாவில் உள்ள தனது மகள் வீட்டில் தங்கி ஓய்வெடுத்து வந்தார். கடந்த டிசம்பர் இறுதியில் சென்னை திரும்பிய அவருக்குக் கடுமையான நுரையீரல் தொற்று மற்றும் மூச்சு விடுவதில் சிரமம் ஏற்பட்டது. 

இதன் காரணமாகச் சென்னையில் உள்ள தனியார் மருத்துவமனையில் அனுமதிக்கப்பட்ட அவர், நீண்ட நாட்கள் தீவிர சிகிச்சைப் பிரிவில் நிபுணர் குழுவின் கண்காணிப்பில் இருந்ததற்கு பின் வீடு திரும்பினார். ஆனால் வீட்டிலும் தனிப்பட்ட முறையில் சிகிச்சையில் இருந்துவந்தார்.

இந்நிலையில், உடல் நல பாதிப்பு காரணமாக வீட்டிலேயே சிகிச்சை பெற்று வந்த பாரதிராஜா இன்று காலமானார். அவருக்கு ரசிகர்கள் மற்றும் திரையுலகினர் இரங்கல் தெரிவித்து வருகின்றனர். நீலாங்கரையில் உள்ள அவரது இல்லத்தில் உடல் பொதுமக்கள் அஞ்சலிக்காக வைக்கப்பட்டுள்ளது. திரையுலகினர், பொதுமக்கள் திரண்டு அஞ்சலி செலுத்தி வருகின்றனர்.