வேட்புமனு தாக்கல்.. எந்தெந்த கட்சிகள் எப்போது?..

மார்ச் 25-ம் தேதி அதிமுக வேட்பாளர்கள் வேட்புமனுக்களை தாக்கல் செய்ய கட்சித் தலைமை உத்தரவிட்டுள்ளது.

நாடாளுமன்ற தேர்தல் 7 கட்டங்களாக நடைபெற உள்ள நிலையில் முதற்கட்டமாக தமிழ்நாட்டில் ஏப்ரல் 19-ம் தேதி வாக்குப்பதிவு நடைபெறுகிறது. தமிழகத்தில் திமுக, அதிமுக போட்டியிடும் அனைத்து தொகுதிகளிலும் வேட்பாளர்கள் அறிவிக்கப்பட்டுவிட்டனர்.

சுயேட்சை வேட்பாளர்களை தவிர பிரதான கட்சிகளை சேர்ந்த வேட்பாளர்கள் யாரும் இன்னும் வேட்புமனு தாக்கல் செய்ய தொடங்கவில்லை. இந்த நிலையில் அதிமுக வேட்பாளர்கள் வரும் 25-ம் தேதி தங்களது வேட்புமனுக்களை தாக்கல் செய்ய கட்சித் தலைமை உத்தரவிட்டுள்ளது. 

திமுக வேட்பாளர்கள் பெரும்பாலோனார்  வரும் 25-ம் தேதியிலும், மற்ற சிலர் 27-ம் தேதியும் வேட்புமனு தாக்கல் செய்வார்கள் என எதிர்பார்க்கப்படுகிறது. மேலும் பாஜக வேட்பாளர்களும் இந்த 2 நாட்களில் ஏதேனும் ஒரு நாளில் வேட்புமனு தாக்கல் செய்வார்கள் என தகவல் வெளியாகியுள்ளது. மார்ச் 25 மற்றும் 27 ஆகிய தேதிகள் நல்ல நாள் என்பதால் அந்த நாட்களை கட்சிகள் வேட்புமனு தாக்கல் செய்ய தேர்வு செய்ததாக தெரிகிறது.