கெயிலை பின்னுக்குத் தள்ளிய பாபர் ஆஸம்! - டி20 கிரிக்கெட்டில் அபாரம்

டி20 கிரிக்கெட்டில் அதிவேகமாக 10000 ரன்களை கடந்த கிரிக்கெட் வீரர் என்ற சாதனையை பாகிஸ்தான் நட்சத்திர வீரர் பாபர் ஆஸம் படைத்துள்ளார்.

மேற்கிந்தியத் தீவுகளின் அதிரடி மன்னன் கிறிஸ் கெயில், 285 டி20 ஆட்டங்களில் 10000 ரன்கள் குவித்ததே சாதனையாகி இருந்தது. இந்த நிலையில், 271 இன்னிங்ஸ்களில் 10000 ரன்களை எட்டி பாபர் ஆஸம் இந்த சாதனையை முறியடித்துள்ளார். 

பிஎஸ்எல் தொடரில் பெஷாவர் ஸால்மி அணிக்காக விளையாடி வரும் பாபர், கராச்சி கிங்ஸ் அணிக்கு எதிரான ஆட்டத்தில் இந்த சாதனையை நிகழ்த்தினார். பாபர், கெயில் ஆகியோருக்கு அடுத்த இடத்தில் இந்திய நட்சத்திர வீரர் விராட் கோலி உள்ளார்.

டி20 கிரிக்கெட்டில் 299 இன்னிங்ஸ்களில் விராட் கோலி 10000 ரன்களை குவித்துள்ளார். அவருக்கு அடுத்த இடங்களில் டேவிட் வார்னர் (303), ஆரோன் பின்ச் (327), ஜாஸ் பட்லர் (350) ஆகியோர் உள்ளனர்.