This Week OTT Release: பிரேமலு முதல் பைரி வரை… இந்த வாரம் ஓடிடியில் வெளியாகும் படங்கள், வெப் சீரிஸ்

சென்னை: மலையாளத்தில் கடந்த பிப்ரவரி மாதம் வெளியான பிரேமலு திரைப்படம் சூப்பர் டூப்பர் ஹிட் அடித்தது. காதல், ரொமான்ஸ், 2கே கிட்ஸ் கொண்டாட்டம் என கமர்சியல் ஜானரில் உருவான இந்தப் படம் 130 கோடி ரூபாய் வரை வசூலித்தது. அதேபோல், மலையாளம் மட்டுமின்றி தமிழ், தெலுங்கு மொழிகளிலும் டப்பிங் செய்து ரிலீஸ் செய்யப்பட்டது. அனைத்து மொழிகளிலும் மாஸ் ஹிட் அடித்த பிரேமலு ஓடிடியில் எப்போது வெளியாகும் என ரசிகர்கள் எதிர்பார்த்திருந்தனர். அதன்படி இந்த படம் தற்போது டிஸ்னி ப்ளஸ் ஹாட்ஸ்டாரில் ஸ்ட்ரீமிங் ஆகி வருகிறது. ஓடிடி ரசிகர்களிடமும் நல்ல வரவேற்பைப் பெற்றுள்ள பிரேமலு, டிவிட்டரில் ட்ரெண்டாகி வருகிறது.  

பிரேமலுவை தொடர்ந்து தமிழ் படமான பைரி ஓடிடி ரசிகர்களின் கவனத்தை ஈர்த்துள்ளது. ஜான் கிளாடி இயக்கத்தில் கடந்த பிப்ரவரி மாதம் திரையரங்குகளில் ரிலீஸான பைரி படத்துக்கு பாசிட்டிவான விமர்சனம் கிடைத்தது. புறா பந்தயத்தை பின்னணியாக வைத்து மினிமம் பட்ஜெட்டில் உருவான பைரி, தற்போது ஓடிடிக்கு வந்துள்ளது. அதன்படி இந்தப் படம் அமேசான் ப்ரைம் தளத்தில் ஸ்ட்ரீம் ஆகிறது. இந்த வாரம் ஓடிடியில் வெளியான படங்களில் பைரி தமிழ் ரசிகர்களுக்கான ட்ரீட்டாக இருக்கும் என எதிர்பார்க்கப்படுகிறது. மேலும் அதோமுகம், நந்திவர்மன் படங்கள் டென்ட்கொட்டா ஓடிடியிலும், பொன் ஒன்று கண்டேன் என்ற படம் ஜியோ சினிமாவிலும் ரிலீஸாகியுள்ளது.  

அமேசான் ப்ரைம் ரசிகர்களுக்கு ஓம் பீம் புஷ் என்ற தெலுங்குப் படம் இந்த வாரம் வெளியாகியுள்ளது. அதேபோல் Faal Out என்ற ஆங்கில வெப் சீரிஸ் இந்த வாரம் அமேசான் ப்ரைமில் ரிலீஸாகியுள்ளது. நெட்பிளிக்ஸில் இந்த வாரம் அமர் சிங் சம்கிலா என்ற இந்தி மூவி வெளியாகியுள்ளது. Anthracite என்ற பிரெஞ்ச் வெப் சீரிஸ், The Hijacking Of Flight 601 என்ற ஸ்பானிஷ் வெப் சீரிஸ், Unlocked வெப் சீரிஸ், What Jennifer Did என்ற டாக்குமெண்ட்ரி சீரிஸ் ஆகியவை வெளியாகியுள்ளன. டிஸ்னி ப்ளஸ் ஹாட்ஸ்டாரில் Blood Free என்ற கொரியன் வெப் சீரிஸ் இந்த வாரம் வெளியாகியுள்ளது.