பெல்ஜியத்தை வீழ்த்தி... அரையிறுதிக்குள் நுழைந்த ஸ்பெயின்!

உலகக் கோப்பை கால்பந்து தொடரின் காலிறுதி சுற்று ஆட்டங்கள் மிக விறுவிறுப்பாக நடைபெற்று வருகிறது. இதில் இன்றைய ஆட்டத்தில் ஸ்பெயின் மற்றும் பெல்ஜியம் ஆகிய இரு அணிகள் பலப்பரீட்சை நடத்தின.லாஸ் ஏஞ்சல்ஸ் மைதானத்தில் நடைபெற்ற இந்தப் போட்டியில் ஸ்பெயின் அணி 2-1 என்ற கோல் கணக்கில் வெற்றி பெற்று அரையிறுதி சுற்றுக்குள் முன்னேறியுள்ளது.

மிகவும் விறுவிறுப்பாக தொடங்கிய இன்றைய ஆட்டத்தில் இரு அணிகளும் தொடக்கம் முதலே கோல் கணக்கை தொடங்க முனைப்பு காட்டிய போது இதற்கு பலனளிக்கும் வகையில் ஆட்டத்தின் 30 ஆவது நிமிடத்தில் ஸ்பெயின் அணி கோல் கணக்கை தொடங்கியது.

ஸ்பெயின் அணியின் ஃபேபியன் ரூயிஸ் கோல் அடித்து அசத்தினார். ஸ்பெயின் அணி தனது கோல் கணக்கை தொடங்கியதும் பெல்ஜியம் அணி  சரியாக 41 வது நிமிடத்தில் டிமோத்தி கேஸ்டே சரியாக அசிஸ்ட் செய்ய அதனை பயன்படுத்திக் கொண்டு சார்லஸ் கெட்டிளிர் தனது அணிக்கு கோல் கணக்கை தொடங்கி வைத்தார்.

ஆட்டத்தின் முதல் பாதியில் 1-1 என்ற கோல் கணக்கில் இரு அணிகளும் சமநிலையில் இருந்தன. ஆட்டத்தின் இரண்டாவது பாதியில் வெற்றிக்கு தேவையான ஒரு கோலை எந்த அணி  அடிக்கும் என்ற எதிர்பார்ப்பு  அதிகரித்தது. மறுபக்கம் இரு அணிகளும் தங்கள் குழுவில் உள்ள வீரர்களை தீவிரப்படுத்தினர்.

ஆட்டத்தின் 88 வது நிமிடத்தில் ஸ்பெயின் வீரர் மைக்கெல் மெரினோ தனது அணிக்கு கோல் அடித்த நிலையில், ஸ்பெயின் அணி 2-0 என்ற கோல் கணக்கில் முன்னிலை பெற்றது. ஆட்டத்தின் இறுதிவரையிலும்  இந்த கோல் கணக்கில் எந்த வொரு மாற்றமும் இல்லை.

இதைத் தொடர்ந்து கூடுதல் நிமிடங்கள் வழங்கப்பட்டன. இந்த சமயத்தில் இரு அணியில் உள்ள வீர்ர்களாலும் கோல் கணக்கை மாற்ற முடியவில்லை.  இதனால் ஆட்டத்தின்  இறுதியில் ஸ்பெயின் அணி 2-1 என்ற கோல் கணக்கில் வெற்றி பெற்று அரையிறுதி சுற்றுக்கு முன்னேறியுள்ளது.