சூப்பர் சிங்கர் ஜூனியர் 10 - நாளை முதல் ஒளிப்பரப்பாகிறது

விஜய் டி.வி.யில் மிகவும் எதிர்பார்க்கப்பட்ட சூப்பர் சிங்கர் ஜூனியர் சீசன் 10  நாளை (நவ.16ம் தேதி) முதல் ஒளிபரப்பாகவுள்ளது. 

விஜய் டிவின் சூப்பர் சிங்கர் ஜூனியர் சீசன் 10 நாளை (நவ.16ம் தேதி) முதல் ஒளிப்பரப்பாக உள்ளது. ஒவ்வொரு சனிக்கிழமை, ஞாயிற்றுகிழமைகளில் மாலை 6.30 மணிக்கு ஒளிபரப்பாக உள்ளது. 6 முதல் 16 வயதுக்குட்ட குழந்தைகள் தங்களது பாடல் திறமைகளை வெளிப்படுத்தும் மேடையாக சூப்பர் சிங்கர் ஜூனியர் சீசன் 10 அமைய உள்ளது. மேலும் இந்த சீசன் மீண்டும் மக்களின் மனதில் கொண்டிருக்கும் உற்சாகத்தை மீண்டும் மெருகூட்ட வருகிறது.

மேலும்  இந்த சீசனில் முதல் முறையாக இசையமைப்பாளர் டி.இமான்,  சித்ரா மற்றும் மனோவுடன் சேர்ந்து பாடகர்களுக்கு வழிகாட்டும் நடுவர்களில் இணைந்துள்ளார். நிகழ்ச்சியின் மாகாபா ஆனந்த் மற்றும் பிரியங்கா தேஷ்பாண்டே மீண்டும் தொகுப்பாளர்களாக இணைந்துள்ளனர்.  இதனை முன்னிட்டு, சூப்பர் சிங்கர் ஜூனியர்  சீசன் 10 தனது ப்ரோமோக்களை வெளியிட்டுள்ளது.ரசிகர்கள் மத்தியில் மிகுந்த வரவேற்பைப் பெற்றிருக்கிறது. ஒவ்வொரு ப்ரோமோவும், ‘ஒவ்வொரு குரலும் ஒரு கதை சொல்லும்! என்ற வரிகளை உள்ளடக்கியது, இதன் மூலம் இதற்கான எதிர்பார்ப்பை அதிகரிக்கிறது.

2006ஆம் ஆண்டு முதல் சூப்பர் சிங்கர் ஜூனியர்  நிகழ்ச்சி சிறுவர்களின் திறமைகளை வெளிப்படுத்தும் அரியவாய்ப்பாக திகழ்ந்து வருகிறது. கிருஷ்ணமூர்த்தி, அல்காஅஜித், ஆஜீத், ஸ்பூர்த்தி, ப்ரிதிகா, ஹ்ரிதிக், கிரிஷாங் மற்றும் ஸ்ரீநிஷா போன்ற முன்னாள் வெற்றி பெற்ற பங்கேற்பாளர்கள் இன்று புகழ் பெற்ற பின்னணி பாடகர்களாக திரையுலகில் பிரகாசிக்கின்றனர். தங்கள் திறமையை உலகுக்கு அறிமுகப்படுத்திய இந்தமேடையில், பிரபல இசையமைப்பாளர்கள் ஏ.ஆர். ரகுமான், அனிருத், ஹாரிஸ்ஜெயராஜ் ஆகியோருடன் பணிபுரியும் வாய்ப்பும் கொடுத்துள்ளது. ஆகையால் நாளை ( நவ.16ம் தேதி) முதல் ஒளிப்பரப்பாக உள்ள சூப்பர் சிங்கர் ஜூனியர் 10 சீசன் பொதுமக்களிடையே பெரும் எதிர்ப்பார்ப்பை ஏற்படுத்தியுள்ளது.