அதிமுக முதற்கட்ட வேட்பாளர் பட்டியல் வெளியீடு.. அதிமுக - தேமுதிக கூட்டணி உறுதியானது..

நாடாளுமன்ற தேர்தலில் 16 தொகுதிகளுக்கான அதிமுகவின் முதற்கட்ட வேட்பாளர் பட்டியலை அக்கட்சியின் பொதுச்செயலாளர் எடப்பாடி பழனிசாமி, வெளியிட்டுள்ளார்.

நாடாளுமன்ற தேர்தல் ஏப்ரல் 19-ம் தேதி தொடங்கி ஜூன் 1-ம் தேதி வரை 7 கட்டங்களாக நடைபெறும் என தேர்தல் ஆணையம் அறிவித்துள்ளது. அதன்படி தமிழ்நாட்டில் ஏப்ரல் 19-ம் தேதி ஒரே கட்டமாக தேர்தல் நடைபெற உள்ளது.

இந்த நிலையில் ராயப்பேட்டையில் உள்ள கட்சித் தலைமை அலுவலகத்தில் செய்தியாளர்களை சந்தித்த எடப்பாடி பழனிசாமி, நாடாளுமன்ற தேர்தலில் அதிமுக போட்டியிடும் தொகுதிகள் மற்றும் முதற்கட்ட வேட்பாளர் பட்டியலை வெளியிட்டார்.

1. வடசென்னை - ராயபுரம் மனோ
2. தென்சென்னை - ஜெயவர்தன்
3. காஞ்சிபுரம் (தனி) - ராஜசேகர்
4. அரக்கோணம் - ஏ.எல்.விஜயன்
5. கிருஷ்ணகிரி - ஜெயப்பிரகாஷ்
6. ஆரணி - கஜேந்திரன்
7. விழுப்புரம் - பாக்கியராஜ்
8. சேலம் - விக்னேஷ்
9. நாமக்கல் - தமிழ்மணி
10. ஈரோடு - ஆற்றல் அசோக்குமார்
11. கரூர் - தங்கவேல்
12. சிதம்பரம் (தனி) - சந்திரகாசன்
13. நாகப்பட்டினம் (தனி) - சுர்சித் சங்கர்
14. மதுரை - சரவணன்
15. தேனி - நாராயணசாமி
16. ராமநாதபுரம் - ஜெயபெருமாள்

தேமுதிக பாஜக கூட்டணியில் இடம்பெறுமா அல்லது அதிமுக கூட்டணியில் இடம்பெறுமா என எதிர்பார்க்கப்பட்ட நிலையில் அதிமுக - தேமுதிக கூட்டணி உறுதியாகியுள்ளது. அதிமுக கூட்டணியில் தேமுதிகவிற்கு 5 தொகுதிகள் ஒதுக்கப்பட்டுள்ளதாக எடப்பாடி பழனிசாமி அறிவித்துள்ளார். தேமுதிக போட்டியிடும் தொகுதிகள் நாளை வெளியிடப்படும் என அவர் தெரிவித்துள்ளார்.

மேலும் புதிய தமிழகம் கட்சிக்கு தென்காசி தொகுதியும், எஸ்.டி.பி.ஐ கட்சிக்கு திண்டுக்கல் தொகுதியும் ஒதுக்கப்பட்டுள்ளது.