Magnus Carlsen: பாரிஸில் ராஜாவாக மகுடம் சூடிய கார்ல்சன்.. பரிசுத்தொகை எவ்வளவு தெரியுமா?

செஸ் விளையாட்டில் உலகளவில் முன்னணி வகிக்கும் 12 வீரர்கள், பாரிஸ்  ஃப்ரீஸ்டைல் ​​செஸ் கிராண்ட்ஸ்லாம் தொடரில் பங்கேற்றனர். ஏப்ரல் 7 ஆம் தேதி தொடங்கிய இத்தொடர் (இன்று) 14 ஆம் தேதியுடன் நிறைவுப்பெற்றது.

இந்தியாவிலிருந்து மட்டும் சுமார் 4 வீரர்கள் இத்தொடரில் விளையாட களமிறங்கினர். காலிறுதிப் போட்டிக்கு முந்தைய சுற்றான ரேபிட் ரவுண்ட்-ராபின் லீக் போட்டியின் முடிவில் உலக சாம்பியனான குகேஷ், விதித் குஜராத்தி, பிரக்ஞானந்தா ஆகிய 3 இந்தியர்கள் தொடரிலிருந்து வெளியேறினர். இந்தியாவை சேர்ந்த அர்ஜூன் எரிகைசி மட்டும் காலிறுதிப் போட்டி வரை முன்னேறினார்.

இறுதி ஆட்டமானது ஹிகாரு நகமுரா மற்றும் உலகின் நம்பர் 1 வீரரான மேக்னஸ் கார்ல்சன் இடையே நடைப்பெற்றது. இதில் முதல் போட்டியில் வென்று முன்னிலை பெற்ற மேக்னஸ் கார்ல்சன், இரண்டாவது போட்டியினை டிரா செய்தார். இதன் மூலம், 1.5-0.5 என்ற புள்ளிக்கணக்கில் வென்று ஃப்ரீஸ்டைல் ​​செஸ் கிராண்ட்ஸ்லாம் பட்டத்தை வென்றார் கார்ல்சன். போட்டித் தொடரில் வென்ற கார்ல்சனுக்கு 2,00,000 அமெரிக்க டாலர்கள் (US$ 200,000) பரிசாக வழங்கப்பட உள்ளது குறிப்பிடத்தக்கது.

வின்செண்ட் கெய்மர், இயன் நெப்போமின்சாட்டி, கருணா, வாச்சியர் , அப்டஸ்ட்ரோவ் என 12 வீரர்களுடன் தொடங்கிய இத்தொடரில் 4 இந்தியர்கள் பங்கேற்றும் இறுதிப் போட்டி வரை யாரும் முன்னேறாததால் இந்திய செஸ் ரசிகர்கள் ஏமாற்றம் அடைந்தனர்.