டாக்டர் சரவணனை ஜெயிக்க வையுங்கள்.. எல்லாரும் நல்லா இருக்கலாம்.. நடிகர் கார்த்திக் கலகல

மதுரை மக்களவைத் தொகுதியில் போட்டியிடும் அதிமுக வேட்பாளர் சரவணனை ஆதரித்து கஞ்சா கருப்பு, வையாபுரி, உள்ளிட்ட திரைப்பட நகைச்சுவை நடிகர்கள் ஏற்கனவே அனல் பறக்கும் தேர்தல் பிரச்சாரம் மேற்கொண்டனர்.  இன்று மதுரை கிழக்கு சட்டமன்ற தொகுதிக்கு உட்பட்ட கீழ பனங்காடி பகுதியில் மக்கள் உரிமை காக்கும் கட்சித் தலைவரும், நடிகருமான நவரச நாயகன் கார்த்திக் டாக்டர் சரவணன் அவர்களை ஆதரித்து  சட்டமன்ற உறுப்பினர்  ராஜன் செல்லப்பா உடன் இணைந்து வாக்கு சேகரித்தார்.

பொதுமக்கள் மத்தியில் பேசிய நடிகர் கார்த்திக், அரசியலில் தலைமைப் பொறுப்பில் உள்ளவர்கள் சுயநலமில்லாமல் பொது நலனுடன் செயல்பட வேண்டும்
 அரசியல்வாதிகளுக்கு  அவர்களை  நம்பி வாக்களிக்கும் மக்களை எப்படி ஏமாற்ற மனம் வருகிறது என தெரியவில்லை. ஆட்சியாளர்களுக்கு பதவி ஆசை இருந்தால் மட்டும் போதாது நல்ல திறமையும் வேண்டும். அரசியலுக்கு இளைஞர்கள் புதியவர்கள் திறமையானவர்கள் வரவேண்டும்

நான் திரைப்படத்துறைக்கு வந்து 43 வருடங்கள் ஆகிறது. அரசியலில் 15 வருடங்களாக பயணம் செய்து வருகிறேன். எனது தந்தையார் காலம் தொட்டு தற்போது வரை கிட்டத்தட்ட 75 ஆண்டுகளுக்கு மேலாக எங்களை வாழ வைக்கும் மக்களாகிய உங்களை சந்தித்து வருகிறேன் எனக்கு பதவி ஆசை கிடையாது. ஆனால் பதவி ஆசை மட்டும் இருந்தால் பத்தாது திறமையும் வேண்டும் நல்ல மனமும் வேண்டும் குணமும் வேண்டும் தாராள மனசு வேண்டும்

அரசியலில் இளைஞர்கள் வரவேண்டும் புதியவர்கள் வரவேண்டும் திறமையானவர்கள் வர வேண்டும். இன்றைய விஞ்ஞான வளர்ச்சிக்கு ஏற்ப நாடு வளம் பெற வேண்டும், இப்போது அரசியலில் நிறைய நபர்கள் புதிதாக வரப் பார்க்கிறார்கள் அவர்களை விடாதீர்கள் வேண்டாம். நம்முடைய நாடு திராவிட நாடு

ஆங்கிலேயர்களிடம் ஒரு முறை ஏமாந்த நாம் இனிமேலும் இவர்களிடம் ஏமாற மாட்டோம் ஏனென்றால் தற்போது நடைபெறக்கூடிய தேர்தல் இந்தியர்களுக்குள் மக்களுக்காக யார் சேவை செய்யப் போகிறார்கள் என்பதை நிர்ணயிக்கக்கூடிய தேர்தல். ஏற்கனவே பதவியில் இருந்தவர்கள் என்ன செய்தார்கள் என்று நாம் பார்த்து விட்டோம். அதனால் தான் நீங்கள் யாருக்கு வாக்களிக்க வேண்டும் என்று தெரிய வேண்டும் என்று நான் கூறுகிறேன்.

மக்களாகிய நீங்கள் ஜெயிக்க வேண்டும் அதற்கு டாக்டர் சரவணனை ஜெயிக்க வையுங்கள். அவரை ஜெயிக்க வைத்தால் நீங்கள் நன்றாக இருப்பீர்கள் உங்களுடைய குழந்தைகள் நன்றாக இருக்கும் தற்போது வரை ஒவ்வொரு இடத்திலும் ஜெயித்து வந்தால் நமது நாடும் நன்றாக இருக்கும். போதும் இந்த அடிமை வாழ்க்கை

"நாம் அடிமைகள் கிடையாது ஆண்டான் அடிமை மேலூர் கீழோர் மாறாது" என்று பாடிய நாடு இது. அந்தக் காலத்தை எல்லாம் தாண்டி நாம் வந்து விட்டோம். 
மனிதன் மாறி விட்டான் மரத்தில் ஏறி விட்டான் என்று பாடல் போல மரத்தின் மீது ஏறி அமர்ந்தால் மட்டும் போதாது.  மரத்திலிருந்து இறங்கி பூமிக்கு வா நிலத்தில்  மக்களுக்காக பணி செய் இல்லையென்றால் உனக்கு வாக்கு கிடையாது என்று புரிய வைக்க வேண்டும். வாக்காளர்களின் ஒரு விரலால் இந்தியாவின் எதிர்காலத்தை மாற்றி அமைக்க முடியும். மக்கள் வளமுடன் நலமுடன் வாழ இரட்டை இலைக்கு வாக்களிக்க வேண்டும் என்று பேசி வாக்கு சேகரித்தார் நடிகர் கார்த்திக்.