எப்போது குறையும் தங்க விலை..? 9 நாட்களில் ரூ.2,480 உயர்வு..! இன்றைய விலை நிலவரம் இதோ...
இந்த மாதம் தொடக்கத்தில் இருந்து ஏறுமுகத்தில் உள்ள தங்கத்தின் விலை இன்றும் சவரனுக்கு ரூ.360 உயர்ந்துள்ளது.
![எப்போது குறையும் தங்க விலை..? 9 நாட்களில் ரூ.2,480 உயர்வு..! இன்றைய விலை நிலவரம் இதோ...](https://kumudam.com/uploads/images/202403/image_870x_65ebfd131a40f.jpg)
சர்வதேச சந்தையில் இந்திய ரூபாயின் மதிப்பு சரிவு, உற்பத்தி குறைவு, நிறுவனங்களின் பங்கு சந்தை வீழ்ச்சி, ரஷ்யா-உக்ரைன், இஸ்ரேல்-காசா யுத்தங்கள் என பல காரணங்களால் தங்கத்தின் விலை தொடர்ந்து உயந்து வருவதாக தங்க விற்பனையாளர்கள் தெரிவிக்கின்றனர். இம்மாதம் 1-ம் தேதி ஆபரணத் தங்கத்தின் விலை ரு.46,720 விற்பனையானது. ஆனால் இன்று ஆபரணத் தங்கத்தின் விலை ரூ.49,200-க்கு விற்பனையாகிறது.
9 நாட்களில் கிட்டத்தட்ட ஆபரணத் தங்கம் சவரனுக்கு ரூ.2,480 வரையிலும், கிராமுக்கு ரூ.310 வரையிலும் அதிகரித்துள்ளது. அதிலும் குறிப்பாக 4-ம் தேதியில் இருந்து தங்கத்தின் விலை வரலாறு காணாத வகையில் அதிகரித்து வருகிறது. இன்று சென்னையில் ஆபரணத் தங்கத்தின் விலை நேற்றைய விலையிலிருந்து சவரனுக்கு ரூ.360 அதிகரித்து ரூ.49,200-க்கும் கிராமுக்கு ரூ.45 அதிகரித்து ரூ.6,150-க்கும் விற்பனையாகிறது.
அதேப் போல வெள்ளியின் விலையும் இன்று சற்று அதிகரித்துள்ளது. கிராமுக்கு ரூ.0.20காசுகள் அதிகரித்து, ரூ.79.20-ஆகவும், ஒரு கிலோ பார் வெள்ளி ரூ.200 அதிகரித்து ரூ.79,200-ஆகவும் விற்பனையாகிறது. இந்த விலையேற்றம் என்பது தொடர்ந்து அதிகரிக்கும் எனவும், தங்கம் வாங்க விரும்புவோர் சில நாட்கள் காத்திருப்பது நல்லது எனவும் கூறுகின்றனர் தங்க மதிப்பீட்டாளர்கள்.
What's Your Reaction?
![like](https://kumudam.com/assets/img/reactions/like.png)
![dislike](https://kumudam.com/assets/img/reactions/dislike.png)
![love](https://kumudam.com/assets/img/reactions/love.png)
![funny](https://kumudam.com/assets/img/reactions/funny.png)
![angry](https://kumudam.com/assets/img/reactions/angry.png)
![sad](https://kumudam.com/assets/img/reactions/sad.png)
![wow](https://kumudam.com/assets/img/reactions/wow.png)